ఈశాన్య భారతంలో భారీ వరదలు ముంచెత్తాయి. ఎగువన కురుస్తున్న వర్షాలతో అసోంలోని 15 జిల్లాలు వరదనీటిలో చిక్కుకున్నాయి. దీంతో స్థానికులు తిప్పలు పడుతున్నారు. దాదాపు 223 గ్రామాలు పూర్తిగా నీట మునిగాయి. వరద బాధితుల కోసం సర్కార్ ప్రత్యేక క్యాంపులు ఏర్పాటు చేసింది. వారికి ఎలాంటి ఇబ్బందులు లేకుండా రిలీఫ్ సెంటర్లలో అన్ని ఏర్పాట్లు చేసింది. ఇక రెస్క్యూ టీమ్స్…ముంపు ప్రాంతాల జనంను సురక్షిత ప్రాంతాలకు తరలిస్తున్నారు. భారీ వర్షాలతో అసోంలోని కజిరంగా నేషనల్ పార్కులోకి నీళ్లోచ్చాయి. దీంతో జూలో జంతువులు ఉండే పరిస్థితి లేకుండా పోయింది. ప్రాణాలు కాపాడునేందుకు దగ్గర్లోని కొండ ప్రాంతాలకు వెళ్తున్నాయి యానిమల్స్. జంతువులు బయటకు రావడంతో స్థానికులు భయపడుతున్నారు. మరోవైపు 50వేల ఎకరాల్లో పంట పూర్తిగా ధ్వంసమైంది. బ్రహ్మపుత్రా నది ప్రమాద స్థాయిని దాటి ప్రవహిస్తోంది. ప్రస్తుతం 49 మీటర్లుగా ఉన్న వరద ఇవాళ 50 మీటర్లకు చేరింది.
సీఎం పర్యవేక్షణ
రాష్ట్రంల పరిస్థితిని సీఎం శర్వానంద సోనోవాల్ ఎప్పటికప్పుడు పర్యవేక్షిస్తున్నరు. బాధితులకు అండగా ఉండడంతోపాటు, ప్రాణనష్టం లేకుండా జాగ్రత్తలు తీసుకోవాలని రెవెన్యూ యంత్రాగాన్ని ఆదేశించారు. స్టేట్ డిజాస్టర్ మేనేజ్ మెంట్ కూడా తమ సిబ్బందితో సహాయక చర్యలు కొనసాగిస్తోంది. వారం రోజులుగా ఇదే పరిస్థితి ఉండడంతో ఎపుడు ఏం జరుగుతుందోనని బిక్కుబిక్కమంటూ ప్రాణం అరచేతిలో పెట్టుకొని గడుపుతున్నారు అసోం ప్రజలు.
