ఆటో డ్రైవర్ లైంగిక దాడి : స్కూల్ బాత్రూంలోనే విద్యార్థిని ప్రసవం

rape_75911ఓ కామాందుడి దుర్బుద్దికి పదో తరగతి చదువుతున్న విద్యార్థిని జీవితం నాశనమైంది. ఉత్తర ఢిల్లీలోని ఓ ప్రభుత్వ పాఠశాల వాష్‌రూంలో విద్యార్థిని(15) ప్రసవించింది. పదో తరగతి చదువుతున్న ఆమెపై పొరుగింటి వ్యక్తి గత ఏడాదిగా లైంగిక దాడికి పాల్పడుతున్నాడు. శనివారం(జూలై-22) పరీక్ష రాయడానికి పాఠశాలకు వెళ్లిన ఆమెకు ఉన్నట్టుండి కడుపు నొప్పి వచ్చింది. వాష్‌రూంకు వెళ్లగా అక్కడే ప్రసవమైంది.

విషయం తెలుసుకున్న పాఠశాల సిబ్బంది ఆమెను ఆసుపత్రికి తరలించి.. పోలీసులకు సమాచారం అందించారు. బాలికను విచారించిన పోలీసులు పొరుగింటి వ్యక్తి(51) ఆమెపై గత ఏడాదిగా లైంగిక దాడికి పాల్పడుతున్నట్లు తెలుసుకున్నారు. లైంగిక దాడికి పాల్పడుతున్నట్లు ఎవరికీ చెప్పొద్దని అతను డబ్బు ఇచ్చేవాడని బాలిక పోలీసులకు వెల్లడించింది. రంగంలోకి దిగిన పోలీసులు నిందితుడిని అదుపులోకి తీసుకున్నారు. బీహార్‌కు చెందిన నిందితుడు.. ఢిల్లీలో ఆటో నడుపుతూ జీవనం సాగిస్తున్నట్లు గుర్తించారు. బాలిక తనకు కడుపులో నొప్పి కలుగుతోందని చెప్పడంతో.. నిందితుడు ఆమెకు పలుమార్లు అబార్షన్‌ పిల్స్‌ కూడా ఇచ్చినట్లు పోలీసులు వెల్లడించారు. పిల్స్‌ కారణంగా 26వ వారంలోనే బాలికకు డెలివరీ అయినట్లు చెప్పారు.

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy