ఆస్కార్స్ లో విదేశీ కేటగిరిలో ఇచ్చే బెస్ట్ ఫిల్మ్ అవార్డు కోసం పోటీ పడిన హిందీ సినిమా ‘న్యూటన్’ రేసు నుంచి తప్పుకుంది. ఫైనల్స్ వరకూ వెళ్లిన సినిమా తిరుగుముఖం పట్టింది. భారత్ నుంచి అనేక సినిమాలు ఆస్కార్స్ ఎంట్రీ కోసం పోటీ పడగా.. వాటి నుంచి న్యూటన్ ను ఎంపిక చేసింది కమిటీ. అయితే ఈ సినిమా చివరి వరకు నిలవలేకపోయింది. దీంతో మరోసారి భారతీయ సినిమాకు ఆస్కార్ అందని ద్రాక్షగానే నిలిచింది.
ఫారెన్ లాంగ్వేజ్ కేటగిరిలో భారతీయ సినిమా న్యూటన్ తో పాటు మొత్తం 98 సినిమాలు పోటీ పడ్డాయి. వీటిలో తొమ్మిది సినిమాలను ఫైనల్స్ కు ఎంపిక చేశారు. వీటిల్లో ఏదో ఒకటి విదేశీ కేటగిరిలో ఉత్తమ సినిమాగా ఆస్కార్ ను అందుకుంటుంది. న్యూటన్ ఈ దశ వరకూ వెళ్లలేకపోయింది.
