ఇంటర్‌తో ఎయిర్‌పోర్ట్స్ అథారిటీలో జాబ్స్

air portఎయిర్‌పోర్ట్స్ అథారిటీ ఆఫ్ ఇండియా (AAI) ఫైర్ సర్వీస్ విభాగంలో జూనియర్ అసిస్టెంట్ పోస్టుల భర్తీకి నోటిఫికేషన్ విడుదల చేసింది. దీని ద్వారా ఈస్ట్రన్ రీజియన్‌లోని జూనియర్ అసిస్టెంట్ పోస్టులను భర్తీ చేస్తారు. ఎంపికైన వారికి నెలకు ప్రారంభ వేతనం సుమారు రూ.35,000 వరకు ఉంటుంది. ఒక సంవత్సరం ట్రైనింగ్ ఉంటుంది.

జూనియర్ అసిస్టెంట్ (ఫైర్ సర్వీస్): 105

విద్యార్హతలు: పదో తరగతి, మెకానికల్/ ఆటోమొబైల్/ ఫైర్ సర్వీస్‌లో మూడేళ్ల డిప్లొమా లేదా కనీసం 50 శాతం మార్కులతో ఇంటర్ ఉత్తీర్ణులై ఉండాలి. హెవీ మోటార్ వెహికల్ డ్రైవింగ్ లైసెన్స్ లేదా రెండేళ్ల కిందట జారీ అయిన లైట్ మోటార్ వెహికల్ డ్రైవింగ్ లైసెన్స్ ఉండాలి. ఎన్సీసీ లేదా ఫైర్‌ఫైటింగ్ ట్రెయినింగ్ కోర్సు చేసినవారికి ప్రాధాన్యత ఉంటుంది. పురుషుల ఎత్తు కనీసం 167 సెం.మీ. ఉండాలి. చాతీ 80 నుంచి 85 సెం.మీ. ఉండాలి. మహిళల ఎత్తు 157 సెం.మీ ఉండాలి.

వయసు: 18 నుంచి 30 ఏళ్ల మధ్య ఉండాలి. నిబంధనల ప్రకారం ఎస్సీ, ఎస్టీ, ఓబీసీ, దివ్యాంగులకు వయోపరిమితిలో సడలింపు ఉంటుంది.

ఎంపిక విధానం: ఆన్‌లైన్ రాత పరీక్ష, ఫిజికల్ మెజర్‌మెంట్ టెస్ట్, ఫిజికల్ ఎండ్యూరెన్స్ టెస్ట్, డ్రైవింగ్ టెస్ట్ ద్వారా ఎంపిక చేస్తారు. రాత పరీక్షలో జనరల్ నాలెడ్జ్, జనరల్ ఇంగ్లిష్, అర్థమెటిక్, రీజనింగ్‌కు చెందిన ప్రశ్నలు ఉంటాయి. ఇందులో అర్హత సాధించిన అభ్యర్థులకు డ్రైవింగ్ టెస్ట్ నిర్వహిస్తారు. డ్రైవింగ్ టెస్ట్‌లో అర్హత సాధించిన వారికి మాత్రమే ఫిజికల్ ఎండ్యూరెన్స్ టెస్ట్‌కు అనుమతిస్తారు.

దరఖాస్తు: ఎయిర్‌పోర్ట్స్ అథారిటీ ఆఫ్ ఇండియా వెబ్‌సైట్ ద్వారా అన్‌లైన్‌లో దరఖాస్తు చేయాలి. జనరల్, ఓబీసీ అభ్యర్థులు రూ.400 చెల్లించాలి. ఎస్సీ, ఎస్టీ, ఎక్స్ సర్వీస్‌మెన్‌ అభ్యర్థులకు ఫీజు నుంచి మినహాయింపు ఉంటుంది.

ఆన్‌లైన్ రిజిస్ట్రేషన్ ప్రారంభం: జూన్ 19

చివరితేది: జులై 19

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy