అమ్మవారి దేవి శరన్నవరాత్రి ఉత్సవాలు ఇవాళ్టి నుంచి వైభవంగా ప్రారంభమయ్యాయి. రాష్ట్ర వ్యాప్తంగా అన్ని దేవాలయాల్లో శరన్నవరాత్రి ఉత్సవాలు 9రోజుల పాటు కన్నుల పండువుగా జరగనున్నాయి. అమ్మవారు రోజుకో రూపంలో భక్తులకు దర్శనమిస్తారు. శ్రీజ్ఞానసరస్వతీ ఆలయంలో మొదటిరోజు అమ్మవారు బాలత్రిపుర సుందరిగా భక్తులకు దర్శనవివ్వనున్నారు. దక్షిణకాశీగా ప్రసిద్ధిగాంచిన వేములవాడలోని రాజరాజేశ్వరాలయంలో ఇవాళ అమ్మవారు శైలపుత్రి రూపంలో భక్తులకు దర్శనమిస్తారు. ఇక అమ్మవారి దేవి శరన్నవరాత్రి ఉత్సవాల సందర్భంగా భద్రాచలంలోని రాముని సన్నిధిని ఉపాలయం శ్రీలక్ష్మీతాయారు అమ్మవారి ఆలయాన్ని ముస్తాబు చేశారు. 
మరోవైపు ఉత్సవాలను ఘనంగా నిర్వహించేందుకు ఆలయాధికారులు అన్ని ఏర్పాట్లు చేశారు. అమ్మవారి దర్శనానికి వచ్చే భక్తులకు ఎలాంటి ఇబ్బంది తలెత్తకుండా డాక్టర్లు వైద్యశిబిరాలు ఏర్పాటు చేశారు. పోలీసులు భారీ భద్రతా ఏర్పాట్లు చేపట్టారు.
