ఆన్ లైన్ మార్కెట్, సోషల్ అడ్డాల్లో కొత్త దందా నడుస్తోంది. మాయగాళ్లు డబ్బులున్నవాళ్లకు వలేసే ప్లాన్లు బాగానే వేస్తున్నారు. 3 వేల రూపాయలకు కొబ్బరి చిప్ప అమ్మడం ఇటీవలే చూశాం. అంత ధర కాదంటారా. ఓకే. 55 శాతం డిస్కౌంట్ తో రూ.1365కు కొబ్బరిచిప్ప కప్పులను అమ్మకానికి పెట్టారు. చిప్పలు సేల్ చేశారుగా..ఇపుడు చెప్పుల మీద పడ్డారు వేరేవాళ్లు. ఆ చెప్పులు చూస్తే… షాకవ్వాల్సిందే.
ప్లాస్టిక్ వాటర్ బాటిళ్లతో చెప్పులు. నెట్ ను ఊపేస్తున్న కొత్త రకం ఐటమ్ ఇది. న్యూజీలాండ్ ఓ లేడీ… వీటిని అమ్మకానికి పెట్టింది. ధర ఎంతో తెలుసా. 20 డాలర్లంట. మన కరెన్సీలో రూ.1423 రూపాయలు. వాడేసిన ప్లాస్టిక్ బాటిళ్లకు…రెండు రబ్బర్ స్లిప్పర్ స్ట్రాప్ లను కుట్టింది. ‘బాటిల్ లో గాలి ఉంటుంది కాబట్టి… నీళ్లపై నడిచేటప్పుడు వీటిని వేసుకోండి. నీళ్లలో మునగరు. క్రియేటివిటీతో నేను తయారుచేసిన ఈ బాటిల్స్ తక్కువ ధరకే సేల్ చేస్తున్నా’ అని అంటోంది ఆమె.
