మహారాష్ట్ర నాగపూర్ లో పుట్టినరోజు వేడుకలు విషాదం నింపాయి. నాగపూర్ కు చెందిన 11మంది విద్యార్థులు స్నేహితుని జన్మదిన వేడుకలు జరుపుకునేందుకు పక్కనే ఉన్న వీణా డ్యామ్ దగ్గరకు వెళ్లారు. బోట్ మీద వెళ్లి డ్యామ్ మధ్యలో కేక్ కట్ చేయించాలని నిర్ణయించుకున్నారు. కేక్ కట్ చేసే ముందు సెల్ఫీ దిగడానికి ప్రయత్నించారు. అందరూ సెల్ఫీ హడావుడిలో ఉండి… బరువు ఎటువైపు వెళుతుందో గమనించలేకపోయారు. అంతలోనే జరగాల్సింది జరిగిపోయింది. బోటు షేక్ కావడంతో అందరూ భయపడ్డారు. ఈ క్రమంలోనే బోట్ తిరగపడింది. ముగ్గురు యువకులు ఈత కొట్టుకుంటూ బయటకు వచ్చారు. ఏడుగురు విద్యార్థులు గల్లంతయ్యారు. బయట పడ్డోళ్లు పోలీసులకు సమాచారం ఇవ్వడంతో..మృతదేహాల కోసం గాలిస్తున్నారు. ఇప్పటి వరకు ఓ డెడ్ బాడీని బయటకు తీశారు. మిగతా వాటి కోసం రెస్క్యూ టీమ్….సెర్చింగ్ కొనసాగిస్తోంది.
బీటెక్ చేస్తున్న వీళ్లు కనీసం అవగాహన లేకుండా… బరువు మొత్తం ఒకేవైపుకి వస్తుంటే సెల్ఫీ కోసం ఎగబడటం ఏంటన్న వాదనలు వినిపిస్తున్నాయి. అంతేసి చదువులు చదవడం తప్ప… సామాన్య విషయాలను గ్రహించలేరా అంటున్నారు.
