ఏప్రిల్ నుంచి ఫ్రీగా దంత పరీక్షలు

తెలంగాణలో కంటివెలుగు కార్యక్రమం పూర్తయిన తర్వాత ENT దంత పరీక్షలకు నిర్వహించేందుకు రెడీ అయ్యింది వైద్య ఆరోగ్యశాఖ. సీఎం కేసీఆర్ ఇచ్చిన హామీని నిలబెట్టేందుకు ఆరోగ్యశాఖ అధికారులు గ్రామగ్రామాన ఈ కార్యక్రమాన్ని చేపట్టనున్నారు. ప్రస్తుతం నిర్వహిస్తున్న కంటివెలుగు మార్చి-2019తో ముగియనుంది. ఏప్రిల్ నుంచి దంత, ENT వైద్యశిబిరాలను నిర్వహించాలని సంబంధిత శాఖలకు ఆదేశాలు వెళ్లినట్లు సమాచారం.

సీఎం కేసీఆర్‌ ఈ కార్యక్రమంపై ప్రత్యేక దృష్టిసారించారు. మంత్రివర్గం ఏర్పాటయ్యాక వైద్య, ఆరోగ్య మంత్రి నేతృత్వంలో కసరత్తు చేస్తారు.  వైద్య, ఆరోగ్య శాఖ వర్గాలు చెబుతున్నట్లు కనీసం 2 కోట్ల మందికి ఈఎన్‌టీ, దంత పరీక్షలు నిర్వహించే అవకాశముంది. ‘కంటి వెలుగు’కార్యక్రమం మాదిరిగా ప్రతి గ్రామంలోనూ వైద్య శిబిరాలు ఏర్పాటు చేస్తారు. ఈఎన్‌టీ, దంత స్క్రీనింగ్‌ చేశాక లోపాలను గుర్తించి వారికి చికిత్స, శస్త్రచికిత్సలు చేస్తారు.

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy