భారత నేవీమాజీ అధికారి కుల్ భూషణ్ ఉరిశిక్షణ తక్షణమే నిలిపివేయాలని ఇంటర్నెషనల్ కోర్ట్ ఆఫ్ జస్టిస్(ICJ) తీర్పునిచ్చింది. దీంతో దేశ వ్యాప్తంగా సంబురాలు మిన్నంటాయి. పలు నగరాల్లో టపాసులు పేల్చి తమ ఆనందాన్ని వ్యక్తం చేశారు. కేసు విచారణ సందర్భంగా అంతర్జాతీయ న్యాయస్థానం పాక్‌ తీరును తీవ్రంగా విమర్శించడంపై తీవ్రంగా హర్షం వ్యక్తమవుతోంది. తుది తీర్పు కూడా జాదవ్‌కు అనుకూలంగానే వస్తుందన్న ఆశాభావం వ్యక్తమవుతోంది.
కుల్‌భూషణ్‌ జాదవ్‌ మరణశిక్షపై స్టే విధిస్తూ ఇంటర్నేషనల్ కోర్టు వెలువరించిన మధ్యంతర ఉత్తర్వులతో జాదవ్‌ కుటుంబానికి ఊరట లభించిందన్నారు విదేశీ వ్యవహారాల మంత్రి సుష్మా స్వరాజ్‌ .
