కర్నాటక డిమాండ్ : పాస్ పోర్ట్ కూడా కన్నడంలోనే

pass పాస్ పోర్ట్ ఇంగ్లీషు, హిందీలోనే ఎందుకు ఉండాలి. పాస్ పోర్ట్ కవర్ పేజీ నుంచి స్టాంపింగ్ ముద్రపడే లోపలి పేజీల వరకూ ఇంగ్లీషుతో పాటుగా తప్పనిసరిగా కన్నడ భాషలోనే వివరాలు ఉండాలంటున్నారు కన్నడ డెవలప్ మెంట్ అథారిటీ చైర్మన్ SG సిద్దరామయ్య.

బెంగళూరులోని మెట్రోస్టేషన్లలో హిందీ బోర్డులను తొలగించినప్పటినుంచి, తమ డివైస్ లలో కూడా కన్నడ కీబోర్డ్ ఉండాలని యాపిల్ ను కూడా అడుగుతూ కొన్ని నెలలుగా వార్తల్లో నిలుస్తుంది కర్ణాటక రాష్ట్ర ప్రభుత్వపు కన్నడ డెవలప్ మెంట్ అథారిటీ(KDA). అయితే ఇప్పుడు మరో కొత్త డిమాండ్ తో KDA ముందుకొచ్చింది. కర్ణాటకలో జారీ చేసే అన్నీ పాస్ పోర్ట్ లలో కన్నడ భాష తప్పనిసరిగా ఉండాలని డిమాండ్ చేస్తుంది.

ఈ విషయంపై KDA చైర్మన్ SG సిద్దరామయ్య మాట్లాడుతూ… ఏజెన్సీ అధికారులు వచ్చేవారం ప్రాంతీయ పాస్ పోర్ట్ అధికారులను కలసి తమ డియాండ్ ను తెలియజేస్తారన్నారు. ఇప్పటినుంచి కర్ణాటకలో జారీ చేసే ప్రతి పాస్ పోర్ట్ లోని వివరాలు కన్నడ భాషలోనే ఉండాలన్నది తమ డిమాండ్ అన్నారు. పాస్ పోర్ట్  భారతీయ సిటిజన్ లమని గుర్తించే ట్రావెల్ డాక్యుమెంట్ సర్టిఫికెట్ అని, ఇది భాషను ఇంటర్నేషనల్ గా ప్రమోట్ చేయడానికి ఇదో అధ్భుతమైన విధానమన్నారు. చాలా దేశాలు తమ ప్రాంతీయ భాఫల్లోనే పాస్ పోర్టులను జారీ చేస్తున్నాయని ఆయన తెలిపారు. ఇది  ప్రాంతీయ గుర్తింపును, గౌరవాన్ని కాపాడటమేనని ఆయన తెలిపారు. తమ భాషను, ఐడెంటిటీని కాపాడుకొనేందుకు పోరాడకపోతే ఎల్లప్పుడూ వేరే భాషను తమపై రుద్దుతూనే ఉంటారన్నారు. చాలా కాలం నుంచి కర్ణాటకలో ఈ డిమాండ్ ఉందని, ఇప్పుడు అది అమలు చేసే సమయము వచ్చిందని సిద్దరామయ్య తెలిపారు.

 

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy