కోలీవుడ్ స్టార్ సూర్య హీరోగా నటిస్తున్న లేటెస్ట్ మూవీ ‘తానా సెరెంద కూట్టమ్’. విఘ్నేష్ శివన్ తెరకెక్కిస్తున్న ఈ సినిమాలో సూర్య సరసన అందాల భామ కీర్తి సురేశ్ హీరోయిన్ గా నటిస్తుంది. ఈ సినిమాను తెలుగులో గ్యాంగ్ అనే టైటిల్ తో తీసుకురాబోతోంది యూవీ క్రియేషన్స్. ప్రచారంలో భాగంగా ఇటీవల ‘గ్యాంగ్’ ఫస్ట్‌లుక్‌ను విడుదల చేసిన యూనిట్ బుధవారం(డిసెంబర్-13)సాయంత్రం టీజర్‌ను ప్రేక్షకులతో పంచుకుంది. ‘విషయం లేని వాళ్లేమో ఇక్కడ.. విషయం ఉన్నవాళ్లేమో ఎక్కడో అలా అడ్రస్ లేకుండా మాయమైపోతున్నారు సర్‌’ అనే డైలాగ్‌తో టీజర్ ప్రారంభమైంది. ‘ఒక్కడు కోటీశ్వరుడు అవడానికి కోటి మంది అడుక్కు తినాల్సి వస్తోంది. మొత్తం తవ్వి బయటికి తీస్తే.. మన దేశంలో ఉన్న చాలా సమస్యల్ని ఈకల్లా పీకి పారేయొచ్చు’ అని సూర్య అంటుంటే.. పై అధికారి ‘ఆ పీకేస్తారా?’ అని ప్రశ్నించారు. దీనికి ఆయన ‘నేనొక్కడ్నే ఏమీ పీకలేను సర్‌.. మనందరం కలిస్తే ఏమైనా పీకొచ్చు సర్‌’ అని సూర్య చెప్పే డైలాగ్‌ కంటెంట్‌తోపాటు కామెడీగా ఉంది. చివర్లో సూర్య సీరియస్‌ డైలాగ్‌.. మధ్యలో రమ్యకృష్ణ దగ్గడం.. మరో హైలైట్‌గా నిలిచింది. స్టూడియో గ్రీన్‌ ప్రొడక్షన్స్‌ బ్యానర్ పై కె.ఇ. జ్ఞానవేల్‌ రాజా నిర్మిస్తున్న ఈ సినిమాను.. సంక్రాంతి కానుకగా జనవరి 12న ప్రేక్షకుల ముందుకు తీసుకురావడానికి సన్నాహాలు చేస్తున్నారు.
Here's the teaser of #Gang starring @Suriya_offl @KeerthyOfficial. A film by @VigneshShivN.
An @anirudhofficial Musical. Releasing worldwide on Jan 12th. #GangTeaser https://t.co/07UYcm5TnH
— UV Creations (@UV_Creations) December 13, 2017
