వచ్చే ఎన్నికల్లో ఏపీ అనంతపురం జిల్లా నుంచే పోటీ చేస్తానని మరోసారి చెప్పారు జనసేన అధినేత పవన్ కల్యాణ్. బతికున్న వరకు జనం సమస్యల మీదే పోరాడతానన్నారు పవన్. తనను కొంతమంది లీడర్లు పూర్తిస్థాయి రాజకీయ నాయకుడిని కాదని విమర్శిస్తున్నారన్నారు. అసలు పూర్తిస్థాయి రాజకీయ నాయకులు ఎవరున్నారో చెప్పాలన్నారు. రాజకీయాల్లోకి వచ్చి ఒక్కో నాయకుడు వేల కోట్లు కూడబెట్టారన్నారు పవన్. ఇంట్లో కూర్చొనే డబ్బులొచ్చేలా చేసుకున్నారన్నారు
ఇక కుటుంబం కోసం, తనమీద ఆధారపడ్డ సిబ్బంది కోసమే సినిమాల్లో నటిస్తున్నానన్నారు పవన్. తనకు సినిమాలన్నా, సినీ పరిశ్రమన్నా చానా గౌరవమని చెప్పారు. జనం సమస్యలు తీర్చడానికి అవసరమైతే సినిమాలు కూడా వాయిదా వేస్తానని పవన్ చెప్పుకొచ్చారు.
జనసేన పార్టీ కోసం అనంతపురం నుంచి స్పీకర్లు, కంటెంట్ రైటర్లు, అనలిస్టులుగా పనిచేసేందుకు అనంతపురం జిల్లా నుంచి వచ్చిన నాయకులతో మాట్లాడారు పవన్ . జిల్లాలో ఏమేం సమస్యలున్నయో అడిగి తెలుసుకున్నారు పవన్.
తొందర్లనే అనంతపురం జిల్లాలో పాదయాత్ర చేస్తానని చెప్పారు పవన్ కల్యాణ్.
