వరల్డ్ మోస్ట్ టాలెంటెడ్ బ్యాట్స్ మెన్ విరాట్ కోహ్లీ టాప్ పొజిషన్ నిలబెట్టుకున్నాడు. ఇక ఇండియా థర్డ్ ప్లేస్ కు చేరుకుంది. తాజాగా ప్రకటించిన ఐసీసీ వన్డే ర్యాకింగ్స్ లో విరాటే నెం.1 ప్లేయర్ గా నిలిచాడు. ఇండియా రెండో స్థానాన్ని కోల్పోయి థర్డ్ ప్లేస్ కు చేరుకుంది. ఇటీవల ఇంగ్లండ్ తో జరిగిన సీరీస్ లో 3-2 తేడాతో గెలిచిన శ్రీలంక 112 పాయింట్లతో రెండో స్థానానికి ఎగబాకింది. 115 పాయింట్లతో ఆస్ట్రేలియా మొదటి స్థానంలో ఉంది.
ఇక ఇండివిజువల్ ర్యాకింగ్స్ లో ధోనీ తన ఆరో స్థానాన్ని నిలబెట్టుకున్నాడు. శిఖర్ ధవన్ 8వ స్థానంలో ఉన్నాడు. రోహిత్ శర్మ 20వ ర్యాకు తో టాప్ 20 లో చోటు దక్కించుకున్నాడు. బౌలింగ్ విభాగంలో 5వ ర్యాంకుతో రవీంద్ర జడేజా ఒక్కడే టాప్ టెన్ లో ఉన్నాడు. పాక్ బౌలర్ సయీద్ అజ్మల్ తొలి స్థానాన్ని దక్కించుకోగా, స్టెయిన్ రెండో స్థానంలో ఉన్నాడు. ఆల్ రౌండర్లలో పాక్ ప్లేయర్ హఫీజ్ మొదటి స్థానంలో ఉండగా, రెండో స్థానంలో శ్రీలంక ప్లేయర్ మ్యాథ్యూస్ కొనసాగుతున్నాడు. రవీంద్ర జడేజా నాలుగో స్థానాన్ని సొంతం చేసుకున్నాడు.
