టాలీవుడ్ మంచి నటుడిని కోల్పోయింది : చిరంజీవి

Megastar-Chiranjeevis-Next-Political-Move-in-2018హాస్యనటుడు గుండు హనుమంతారావు మృతిపట్లు పలువురు సినీ ప్రముఖులు సంతాపం తెలిపారు. హాస్యనటుడు గుండు హనుమంతరావు మృతి తీరని లోటు అని ప్రముఖ నటుడు చిరంజీవి అన్నారు. అనారోగ‍్యంతో గుండు హనుమంతరావు సోమవారం (ఫిబ్రవరి-19) కన్నుమూసిన విషయం తెలిసిందే.

ఈ సందర్భంగా చిరంజీవి మాట్లాడుతూ..తెలుగు చిత్రసీమలో ప్రతి హాస్య నటుడిదీ ఒక్కో శైలి అన్నారు. గుండు హనుమంతరావు సైతం తనదైన శైలితో కోట్లాది తెలుగు ప్రేక్షకులకు మూడు దశాబ్దాలుగా వినోదాన్ని అందిస్తూ వచ్చారన్నారు. ఆ మధ్య ఆయన అనారోగ్యానికి గురయ్యారని తెలిసి కలత చెందాను అని తెలిపిన చిరంజీవి..తన వంతు సాయం అందించినట్లు చెప్పారు. పరిపూర్ణ ఆరోగ్యంతో గుండు హనుమంతరావు తిరిగి సినిమాల్లో నటిస్తారని భావించానని..అయితే ఇంతలోనే ఈ దుర్వార్త వినాల్సి వచ్చిందని బాధపడ్డారు. గుండు హనుమంతరావు మృతితో తెలుగు సినిమా రంగం మంచి నటుడినే కాదు, చక్కని మనిషినీ కోల్పోయిందన్నారు. ఆయన ఆత్మకు శాంతి ప్రాప్తించాలని, వారి కుటుంబానికి దేవుడు మనోధైర్యాన్ని అందించాలని కోరుకుంటున్నట్లు చెప్పారు చిరంజీవి.

 

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy