డేరాలో విషకన్యలు… చేసేదంతా వీళ్లే

DERAడేరా సచ్ఛా సౌధలోని ఇద్దరు సాధ్వీలపై అత్యాచారానికి పాల్పడి దోషిగా తేలడంతో రేపిస్ట్ బాబాకు 20 ఏళ్ల జైలు శిక్ష విధించడంతో ప్రస్తుతం ఊచలు లెక్కిస్తున్నాడు. గుర్మీత్‌కు శిక్ష పడటంలో కీలక పాత్ర పోషించిన గురుదాస్ సింగ్ మరిన్ని సంచలన విషయాలను బయటపెట్టారు. గుర్మీత్ ఆశ్రమంలో ‘విషకన్యలు’ అనే పేరిట ఓ గ్రూప్ ఉండేదని తెలిపాడు. ఆశ్రమంలోని అందమైన యువతలను ఎంపిక చేసి వారిని ప్రలోభపెట్టి, గుర్మీత్ వద్దకు పంపడం, అంగీకరించని వారిని విపరీతంగా హింసించడం, అయినా వినకుంటే కఠిన శిక్షలు విధించడం లాంటివి వీరి పనేనని తెలిపారు. అంతేకాదు బాబా దాహానికి బలైపోయిన మహిళలకు గర్భాలను తీయించడం వీరి పని అని తెలిపారు.

డేరాలోని యువతులకు, బాబా ఆశీర్వాదం లభిస్తే పవిత్రులై పోతారని మాయమాటలు చెప్పి వారిని ఆయన పడకగదికి ఈ విషకన్యలు చేర్చేవారన్నారు. ఎదురు తిరగకుండా ముందుగానే వారికి అన్ని విషయాలూ చెబుతారని.. ఒకవేళ ఎవరైనా అంగీకరించపోతే తమ నిజ స్వరూపాన్ని బయట పెడతారని గురుదాస్ పోలీసులకు తెలియజేశాడు. గుఫాలో ప్రవేశించడానికి నిరాకరించిన అమ్మాయిలను మన్ సుధార్ కమ్రా అనే పెద్ద గదిలోకి తీసుకెళ్లి హింసిస్తారు. ప్రతిపాదనలకు అంగీకరించిన మహిళలకు ఆహారం ఇవ్వకుండా, కుర్చీలకు కట్టేసి కొట్టడం, ముఖానికి మసిపూసి డేరా అంతా గాడిదలపై ఊరేగించడం చేసేవారి గురుదాస్ సింగ్ టూర్ వివరించాడు.

గుర్మీత్‌ను అనుసరించే మహిళలను రెండు గ్రూపులుగా విభజించేవారు. అందం, ఆకర్షణీయంగా ఉన్న మహిళలకు గుఫా బయట గస్తీ, వంట పని, గుర్మీత్ భౌతిక కోరికలు తీర్చడం లాంటివి అప్పగించేవారు. గతంలో వీరు కూడా గుర్మీత్‌ దగ్గరకు భక్తులుగా వచ్చినవారే. వారిని బాబా తన సహచరులుగా. నమ్మిన బంట్లుగా ఆఖరికి ఏం చెప్పినా చేసే రోబోలుగా మార్చేసుకున్నాడు.

మిగతా వారికి హౌస్ కీపింగ్, డేరాలో పరిశుభ్రత లాంటివి అప్పజెప్పేవారు. అయితే, ఇప్పటివరకూ ఈ గ్రూప్‌లోని మహిళలపై ఎలాంటి చర్యలూ తీసుకోలేదని తెలుస్తోంది.

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy