విక్రమ్ కుమార్ డైరెక్షన్ లో అక్కినేని అఖిల్ హీరోగా నటిస్తున్న సినిమాకు టైటిల్ ఫిక్స్ చేశారు. ఈ చిత్రానికి ‘హలో!’ అనే పేరును ఫిక్స్ చేసినట్లు నాగార్జున సోమవారం(ఆగస్టు-21) ట్విట్టర్‌ ద్వారా తెలియజేశారు. శనివారమే అఖిల్ సినిమా పేరుని వూహించండి అంటూ నాగార్జున ఓ హింట్‌ని ఇచ్చాడు. ఆదివారం నాగచైతన్య కూడా తన సినిమా ‘ఏమాయ చేసావె’లోని హల్లో… అంటూ ముగిసే పాటని ట్వీట్‌ చేసి మరో హింట్‌ ఇచ్చాడు. ‘హలో..’ పేరుతోనే సినిమా పేరు మొదలయ్యే అవకాశాలున్నాయని అర్థమైంది. ‘హలో గురూ ప్రేమకోసమే’ అనే పేరు ఖరారు చేస్తారేమో అని వూహించారంతా. అయితే చిత్రబృందం మాత్రం కేవలం ‘హలో!’ అని సినిమాకి టైటిల్ గా ఫిక్స్ చేసింది. విక్రమ్ కె.కుమార్ దర్శకత్వం వహించిన చిత్రాలకి రెండు అక్షరాల పేర్లే ఎక్కువగా ఉంటాయి. ఈ చిత్రానికి కూడా అదే సెంటిమెంట్‌ని అనుసరించినట్టు తెలుస్తోంది. అఖిల్ సరసన అందాల భామ కల్యాణి ప్రియదర్శన్‌ హీరోయిన్ గా నటిస్తున్న ఈ మూవీని డిసెంబరు 22న ప్రేక్షకుల ముందుకు తీసుకొస్తున్నారు.
#Hello! is @AkhilAkkineni8‘s new movie/👏👏to all those who guessed right👍🏻 #Hello 2 all the hello’s in the video & #Hello to all my friends🙏 pic.twitter.com/xLUN5gCANh
— Nagarjuna Akkineni (@iamnagarjuna) August 21, 2017
