క్లాప్స్ అండ్ విజిల్స్ ఎంటర్ టైన్ మెంట్స్ పతాకంపై రాకింగ్ స్టార్ మంచు మనోజ్ హీరోగా ‘నా రాకుమారుడు’ సినిమా ప్రారంభమైంది. ఈ సినిమాకు S.K. సత్య దర్శకత్వం వహిస్తున్నారు. మంచు లక్ష్మి ప్రసన్న క్లాప్ ని ఇవ్వగా హీరో మంచు మనోజ్ కెమేరా స్విచ్ ఆన్ చేశారు. స్క్రిప్ట్ ని నిర్మాత శ్రీ వరుణ్ అట్లూరి మరియు హీరో బంధువులు దర్శకుడు సత్యకి అందజేసారు. అనంతరం చిత్ర దర్శకుడు మాట్లాడుతూ ఇది యాక్షన్–లవ్ స్టొరీ జోనర్ లో పక్కా మాస్ ఎంటర్ టైనర్ గా పూర్తి కమర్షియల్ అంశాలతో రూపొందిస్తున్నామని .. ఈ చిత్రం లో హీరో క్యారెక్టరైజెషన్ విలన్ క్యారెక్టరైజెషన్స్ కొత్తగా ఉంటాయని.. సినిమాలో వచ్చే యాక్షన్ సీక్వెన్స్ హైలైట్ గా నిలుస్తాయని తెలిపారు.
ఈ చిత్రంలో ప్రధాన తారాగణంగా రాజేంద్ర ప్రసాద్, సంపత్, కోటశ్రీనివాసరావు, రావు రమేష్ , ప్రవీణ్ , షకలకశంకర్ , సత్య , జెమినీ సురేష్ , కాశీ విశ్వనాథ్ తదితరులు నటిస్తున్నారు. సాంకేతిక వర్గం .. సంగీతం: DJ శ్రీ వసంత్, సినిమాటోగ్రఫి : సిద్దార్ధరామస్వామి, ఆర్ట్ డైరెక్టర్: సత్య శ్రీనివాస్, ఫైట్స్: వెంకట్, కో– డైరెక్టర్ T. అర్జున్, ప్రొడక్షన్ ఎగ్జిక్యూటివ్స్: బుజ్జి, సురేష్ రెడ్డి, ఎగ్జిక్యూటివ్ ప్రొడ్యూసర్: ప్రభు తేజ, నిర్మాత: శ్రీ వరుణ్ అట్లూరి, కధ, స్క్రీన్ ప్లే, మాటలు, దర్శకత్వం: S.K. సత్య