పట్టపగలే..నడిరోడ్డుపై నిప్పంటించుకున్నాడు

sucideపట్టపగలే నడిరోడ్డుపై ఓ వ్యక్తి ఒంటికి నిప్పంటిచుకొని ఆత్మహత్యాయత్నం చేసిన దారుణ ఘటన విశాఖపట్నం జిల్లాలో  జరిగింది. పెందుర్తి పోలీస్ స్టేషన్ ఎదుట ట్రాఫిక్ సిగ్నల్ దగ్గర 40 ఏళ్ల మహాలక్ష్మినాయుడు అనే వ్యక్తి అందరూ చూస్తుండగానే ఒంటిపై పెట్రోల్ పోసుకొని నిప్పంటించుకున్నాడు. ఒక్కసారిగా అంటుకున్న మంటలకు తాళలేక అతడు రోడ్డుపై పరుగులు తీయడంతో.. అక్కడే ఉన్న జనం భయభ్రాంతులకు గురయ్యారు. కొంత మంది స్థానికులు మంటలను ఆర్పే ప్రయత్నం చేసి అతణ్ని వెంటనే ఆస్పత్రికి తరలించారు. 70 శాతం కాలిన గాయాలతో అతడు ప్రస్తుతం ఆసుపత్రిలో చికిత్స పొందుతున్నాడు.

పెందుర్తికి చెందిన మహాలక్ష్మినాయుడు తన భార్యను హత్య చేసిన కేసులో అరెస్టయ్యాడు. వారం రోజుల కిందటే అతడు బెయిల్‌పై విడుదలై బయటకొచ్చాడు. అతడికి ఇద్దరు పిల్లలు ఉన్నారు. ఆ పిల్లల్లో ఒకరు తనకు పుట్టినవారు కాదనే అనుమానంతో అతడు గత నవంబర్‌లో క్రికెట్ బ్యాట్‌తో కొట్టి కట్టుకున్న భార్యను హత్య చేశాడు. జైలు నుంచి బయటకొచ్చినప్పటి నుంచి  మహాలక్ష్మినాయుడికి అతడి మామ కుటుంబం నుంచి బెదిరింపులు ఎదురవుతున్నట్లు అతడి సోదరి లలిత కుమారి తెలిపింది. మహాలక్ష్మినాయుడు తన ఇల్లు, మరో ఖాళీ స్థలాన్ని తన పిల్లల పేరున రాయమని అతడి మామ అప్పారావు, బావమరుదులు వాసు, సురేష్ ఒత్తడి చేస్తున్నారని, లేకపోతే చంపేస్తామని బెదిరిస్తున్నారని ఆమె తెలిపింది.

మహాలక్ష్మినాయుడు ఆస్తులకు సంబంధించి గత కొన్నిరోజులుగా వివాదం నడుస్తోందని… ఈ కారణంగా అతడు తీవ్ర మనస్థాపానికి గురై ఆత్మహత్యకు పాల్పడ్డాడని పెందుర్తు ఎస్‌ఐ మురళి తెలిపారు. కేసు నమోదు చేసుకొని దర్యాప్తు చేపట్టారు.

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy