బాలీవుడ్ మెగాస్టార్ అమితాబ్ బచ్చన్ కు ఫ్యాన్స్ కొదవేలేదు. అయితే ఆ ఫ్యాన్స్ లో కొంతమంది చర్యలు ఒక్కోసారి అందరినీ టెన్షన్ పెడుతుంటాయి. ఆదివారం అదే జరిగింది. ఓ వ్యక్తి ముంబైలోని అమితాబ్ ఇల్లు జల్సాలోకి ప్రవేశించాడు. గోడ దూకడంతో సెక్యురిటీ గార్డులు చూడలేకపోయారు. అప్పటికే అమితాబ్ ఇల్లు కొంత మంది అభిమానులు, బంధువులతో కోలాహలంగా ఉంది. అయితే సడన్ గా వచ్చిన ఇతన్ని చూసి అందరూ షాక్ అయ్యారు. సెక్యురిటీని పిలిచి పోలీసులకు అప్పగించారు.
పోలీసుల విచారణలో తేలింది ఏంటంటే.. అతను పూణే వాసి బుల్లెట్ భన్వరీ లాల్ యాదవ్. బీహార్ కు చెందిన భన్వర్ లాల్ పూణేలో స్థిరపడ్డాడు. బోజ్ పురీ పాటలు పాడటంలో మనోడు దిట్ట. దీంతో తన గాత్రాన్ని బచ్చన్ సాబ్ కు వినిపించాలనే కుతూహలంతో గోడదూకి వచ్చేశాడట ఆ అభిమాని. పోలీసులు కేసు నమోదు చేసుకుని దర్యాప్తు చేస్తున్నారు. అయితే ఆ వ్యక్తి అమితాబ్ ను కలిశాడా లేదా అనేది క్లారిటీ లేదు.
