కాంగ్రెస్ పార్టీని బలోపితం చేయడమే తమ లక్ష్యమన్నారు రాష్ట్ర పీసీసీ అధ్యక్షుడు పొన్నాల లక్ష్మయ్య. ఈ రోజు గాంధీభవన్ లో విసృత స్థాయి సమావేశం నిర్వహించారు. పార్టీలో ఎవరి మధ్యా విభేదాలు లేవని..ప్రతి ఒక్కరితోనూ మాట్లాడతామని ఆయన అన్నారు. కొత్త ప్రభుత్వం ప్రజలకు ఇచ్చిన హామీలు అమలు చేసే వరకూ పోరాటం చేస్తామని ఆయన అన్నారు. పార్టీలో అందరి అభిప్రాయాలు తీసుకుంటామని, అందర్నీ గౌరవిస్తామన్నారు. కార్యకర్తలు ఇచ్చిన ఫీడ్ బ్యాక్ తో భవిష్యత్ కార్యచరణ ప్రిపేర్ చేస్తామని ఆయన చెప్పారు.
తెలంగాణ రాష్ట్రానికి కాంగ్రెస్ పార్టీ వాచ్ డాగ్ లా పనిచేస్తుందని పొన్నాల తెలిపారు. అన్ని వర్గాల వారిని పార్టీలో భాగస్వామ్యం చేస్తామన్నారు. సార్వత్రిక ఎన్నికల్లో పార్టీ ఓటమి గురించి జిల్లా, మండల, నియోజకవర్గా వారీగా చర్చలు జరుగుతాయని…అభిప్రాయాలు సేకరిస్తామన్నారు. పార్టీ కార్యక్రమాల్లో చురుగ్గా పాల్గొంటామని…పార్టీ పటిష్ఠత కోసం కృషి చేస్తామని చెప్పారు. తెలంగాణ ప్రజల ఆకాంక్షను కాంగ్రెస్ పార్టీ నెరవేర్చిందని ఆయన మరోసారి గుర్తు చేశారు.
