ప్ర‌పంచ వ్యాప్తంగా పోకెమాన్ గో ఎంత‌టి క్రేజ్ సృష్టించిందో అంద‌రికీ తెలిసిందే. కొన్ని దేశాల్లోఇప్ప‌టికే పోకేమాన్ గో విడుద‌ల అవ్వ‌గా అక్క‌డి ప్ర‌జ‌లు ఆ గేమ్‌ను ఆడుతూ తెగ ఎంజాయ్ చేస్తున్నారు. ఇంకొంద‌రు గేమ్ ఆడుతూ ప్ర‌మాదాల బారిన ప‌డుతున్నారు. అయితే బ్రెజిల్‌లో ఈ గేమ్‌ను ఇంకా రిలీజ్ చేయ‌క‌పోవ‌డంతో… రియో ఒలింపిక్స్‌లో పాల్గొనేందుకు వ‌చ్చిన క్రీడాకారులు నిరాశ‌కు గుర‌య్యారు. జూలై 31న ఒలింపిక్ విలేజ్‌కు చేరుకున్న క్రీడాకారులు పోకెమాన్ గో గేమ్‌ను త‌మ ఫోన్ల‌లో ఓపెన్ చేయ‌గా వారికి మ్యాప్ మాత్ర‌మే క‌న‌బ‌డుతుంది కానీ.. పోకెమాన్ స్టాప్స్, గిఫ్ట్స్ క‌న‌బ‌డ‌క‌పోవ‌డంతో డిస్స‌ప్పాయింట్ అయ్యారు.ఫుట్ బాల్ ఆట ఆడేందుకు గ్రౌండ్‌లోకి దిగిన త‌ర్వాత బాల్ లేకుండా ఉన్న‌ట్లుంది అని అన్నాడు ఓ క్రీడాకారుడు. త‌మ ఫోన్‌లో పోకెమాన్ మ్యాప్ ఓపెన్ అవుతున్నా…ఆడేందుకు పోకెమాన్ స్టాప్స్ లేవ‌ని ఆయన అన్నాడు. పోకెమాన్ గేమ్ లేక‌పోవ‌డంతో ఇత‌ర క్రీడాకారుల‌ను క‌లిసి మ‌ట్లాడే అవ‌కాశం దొరికింద‌ని కెన‌డా హాకీ ప్లేయ‌ర్ మాథ్యూ సార్మెంటో అన్నాడు. అయితే ఒత్తిడిలో ఉన్న స‌మ‌యంలో పోకెమాన్ గేమ్ ఆడితే కొంత రిలీఫ్‌గా ఉంటుంద‌నే అభిప్రాయాన్ని మ్యాధ్యూ వ్య‌క్త‌ప‌రిచాడు.
క్రీడాకారుల నిరుత్సాహానికి గురికావ‌డంతో రియో మేయ‌ర్ ఎడ్వ‌ర్డ్ పేస్ పోకెమాన్ గేమ్‌ను బ్రెజిల్‌లో త్వ‌ర‌గా విడుద‌ల చేయాలంటూ ఆ గేమ్ డెవెల‌ప‌ర్స్‌ను రిక్వెస్ట్ చేశాడు.
