బాబోయ్ ఎంతపెద్ద పామో : శనీశ్వరాలయంలో భక్తుల పూజలు

పామును మాట ఎత్తితేనే సగం చస్తారు. అలాంటిది అతిపెద్దనాగుపాము ముంబైలో కలకల సృష్టించింది. కల్యాణ్‌ ప్రాంతంలోని గోద్రేజ్‌ హిల్‌ పరిసరాల్లో ఉన్న శనీశ్వరుడి మందిరం వెనకాల శనివారం (జూలై-21) పొడువైన తాచు పాము కలకలం సృష్టించింది. ప్రతి శనివారం ఈ ఆలయానికి భక్తులు పెద్ద సంఖ్యలో వస్తుంటారు. ఉదయం పూట భక్తులు మందిరం చుట్టూ ప్రదక్షిణలు చేస్తుండగా నాగు పామును చూసి భయాందోళనకు గురయ్యారు. వారి అరుపులతో పాము మందిరంలోని గార్డెన్‌ లోకి చొరబడింది. సాక్షాత్తు భగవంతుడే కనిపించాడంటూ కొంతమంది భక్తులు పూజలు, భజనలు చేశారు. కేతన్‌ పాటిల్‌ అనే యువకుడు సర్పమిత్ర దత్తా బెంబేకు సమాచారమివ్వడంతో ఆయన వచ్చి పామును పట్టుకుని సంచిలో బంధించారు. 5.5 అడుగుల పొడవున్న ఈ పాము భారతీయ జాతికి చెందినదిగా గుర్తించారు. తాచు పామును అటవీ ప్రాంతంలో విడిచిపెట్టనున్నట్లు దత్తా వెల్లడించారు. అయితే పాము మందిరంలో ఎప్పటినుంచో ఉన్నట్లు శబ్దాలు వచ్చేవని.. ఇప్పటివరకు ఎవ్వరికీ హానీ చేయలేదంటున్నారు పూజారులు.

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy