బాలికనే కాదు.. తల్లినీ చంపాడు : సాఫ్ట్ వేర్ ఉద్యోగి దశ్వంత్ కు ఉరిశిక్ష

 మైనర్‌పై అత్యాచారం చేసి, హత్య చేసిన ఓ సాఫ్ట్ వేర్ ఉద్యోగికి కింది కోర్టు విధించిన మరణశిక్షను సమర్ధించింది మద్రాస్‌ హైకోర్టు. ఆ కేసులో దోషిగా తేలిన 23 ఏళ్ల దశ్వంత్‌కు ఉరిశిక్ష సరైనదే అంటూ మంగళవారం తీర్పు వెలువరించింది. చెన్నై సమీపంలోని ఓ అపార్ట్‌మెంట్‌లో నివాసం ఉంటున్న దశ్వంత్‌.. గతేడాది ఫిబ్రవరిలో ఏడేళ్ల బాలికకు బొమ్మలు ఆశగా చూపి ఇంటికి పిలిచి అత్యాచారానికి పాల్పడ్డాడు. ఆ తర్వాత ఆ బాలికను హత్యచేసి.. మృతదేహాన్ని బ్యాగులో పెట్టి హైవే పక్కన కాల్చేశాడు.

ఈ ఘటన అప్పట్లో సంచలనం సృష్టించింది. ప్రజల నుంచి పెద్ద ఎత్తున ఆగ్రహావేశాలు వ్యక్తం కావడంతో ప్రభుత్వం ఈ కేసును సీరియస్‌గా తీసుకుంది. కేసు విచారణ వేగంగా జరిగేలా స్పెషల్ కోర్టు ఏర్పాటు చేసింది. విచారణ చేపట్టిన కోర్టు దశ్వంత్‌కు ఉరిశిక్ష విధిస్తూ.. 2019 ఫిబ్రవరి 19న తీర్పునిచ్చింది. ఈ తీర్పును సవాలు చేస్తూ మద్రాస్‌ హైకోర్టును ఆశ్రయించాడు దశ్వంత్. దీనిపై విచారణ చేపట్టిన హైకోర్టు కింది కోర్టు తీర్పును సమర్ధించింది.

కింది కోర్టులో కేసు విచారణ జరుగుతునప్పుడు.. 2017 డిసెంబర్‌లో బెయిల్‌పై బయటకు వచ్చాడు దశ్వంత్‌. ఆ సమయంలో అతడు తన తల్లి సరళను చంపి.. ఆమె ఆభరణాలతో ముంబై పారిపోయాడు. చివరకు అతన్ని అరెస్ట్‌ చేసిన పోలీసులు చెన్నై తరలించారు. ఇప్పుడు తల్లి సరళ హత్య కేసుపై కూడా విచారణ కొనసాగుతోంది.

One Response to బాలికనే కాదు.. తల్లినీ చంపాడు : సాఫ్ట్ వేర్ ఉద్యోగి దశ్వంత్ కు ఉరిశిక్ష

  1. Krishna says:

    2019 february 19 na theerpu echinda how come rong one change the year

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy