బెంగళూరు టెస్ట్ : భారత్ బ్యాటింగ్

INDఅంతర్జాతీయ టెస్ట్ క్రికెట్ లోకి గురువారం (జూన్-14) అరంగేట్రం చేయనుంది అఫ్గానిస్తాన్. ప్రపంచ నంబర్ వన్ జట్టు భారత్ తో ఫస్ట్ మ్యాచ్ ఆడేందుకు ఆ టీమ్ సిద్ధమైంది. బెంగళూరు చిన్నస్వామి స్టేడియంలో జరుగుతున్న ఈ చారిత్రక మ్యాచ్ లో టాస్ గెలిచి బ్యాటింగ్ తీసుకుంది టీమిండియా. కోహ్లి గైర్హాజ‌రీలో అజింక్యా ర‌హానే ఇండియాకి కెప్టెన్సీ వ‌హిస్తుండ‌గా, చాన్నాళ్ళ త‌ర్వాత దినేష్ కార్తీక్ టెస్ట్ మ్యాచ్ ఆడుతున్నాడు. సుదీర్ఘ‌చరిత్ర ఉన్నఇండియాకు ఆఫ్ఘ‌నిస్తాన్ ఏ ర‌క‌మైన పోటీ ఇస్తుందా అని క్రికెట్ ప్రేమికులు ఎంతో ఆసక్తిగా ఎదురు చూస్తున్నారు. ప‌రిమిత ఓవ‌ర్ల ఫార్మాట్‌లో అలరించిన‌ ఆఫ్ఘాన్ టీం టెస్ట్ క్రికెట్‌లో ఎలాంటి మెరుపులు మెరిపిస్తుందో చూడాలి. ఆఫ్ఘ‌నిస్థాన్‌ డైన‌మైట్ ర‌షీద్ ఖాన్ ఈ మ్యాచ్‌లో సంచ‌న‌లం సృష్టించి త‌మ‌కి మంచి విజ‌యం అందిస్తాడ‌ని ఆఫ్ఘ‌న్ టీం భావిస్తున్న‌ది.

జట్ల వివరాలు:
భార‌త్: శిఖ‌ర్ ధావన్‌, ముర‌ళీ విజ‌య్‌, చ‌తేశ్వ‌ర్ పుజారా, అజింక్యా ర‌హానే (కెప్టెన్‌), లోకేష్ రాహుల్‌, దినేష్ కార్తీక్ (వికెట్ కీప‌ర్‌), హార్ధిక్ పాండ్యా, ర‌విచంద్ర‌న్ అశ్విన్‌, ర‌వీంద్ర జ‌డేజా, ఇషాంత్ శ‌ర్మ‌, ఉమేష్ యాద‌వ్‌

ఆఫ్ఘ‌నిస్థాన్‌: మ‌హ‌మ్మ‌ద్ షెహ‌జాద్‌, జావెద్ అహ్మ‌ది, ర‌హ్మ‌త్ షా, అజ్గ‌ర్ స్టానిక్ జై (కెప్టెన్), అఫ్జ‌ర్‌ జ‌జై (వికెట్ కీప‌ర్‌), మ‌హ‌మ్మ‌ద్ న‌బీ, హ‌ష్మ‌తుల్లా షాహిది, రషీద్ ఖాన్, ముజీబ్ ఉర్ ర‌హ‌మాన్‌, యామిన్ అహ్మ‌ద్ జై, వ‌ఫాదార్

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy