ముగిసిన రెస్క్యూ ఆపరేషన్ : కృష్ణా నదిలో గల్లంతైన విద్యార్ధుల మృతదేహాలు లభ్యం

విజయవాడ పవిత్ర సంగమం దగ్గర NDRF రెస్క్యూ ఆపరేషన్ ముగిసింది. కృష్ణానదిలో గల్లంతైన నలుగురు విద్యార్థుల మృతదేహాలను గుర్తించారు. పవిత్ర సంగమం ఫెర్రీఘాట్ దగ్గర నిన్న ఈతకు వెళ్లిన నలుగురు విద్యార్థులు గల్లంతయ్యారు. వీరందరూ కంచికచర్లలోని మిక్ ఇంజినీరింగ్ కాలేజీకి చెందిన ప్రవీణ్, చైతన్య, శ్రీనాథ్, రాజ్ కుమార్ గా గుర్తించారు. ప్రవీణ్ ఈతకొడుతూ మునిగిపోవడంతో కాపాడేందుకు నీటిలోకి దిగిన మరో ముగ్గురు విద్యార్థులు కూడా గల్లంతయ్యారు. అయితే నిన్నటి నుంచి రెస్క్యూ ఆపరేషన్ కొనసాగించిన NDRF సిబ్బంది…ఇవాళ ఉదయం డెడ్ బాడీలను గుర్తించింది.