సీఎం కిరణ్ రాజీనామాతో రాష్ట్రంలో ప్రస్తుత రాజకీయ అనిశ్చితిపై హైకోర్ట్ లో పిటిషన్ దాఖలైంది. ప్రస్తుతం ఉన్న అనిశ్చితి తొలగించాలంటూ పిటిషినర్ కృష్ణదేవన్ ప్రజాప్రయోజన వ్యాజ్యం దాఖలు చేశారు. సీఎం పదవికి కిరణ్ రాజీనామా చేసి వారం రోజులైనా ప్రభుత్వాన్ని ఏర్పాటు చేయడంలో గవర్నర్ విఫలమయ్యారంటూ ఆయన పిటిషన్ వేశారు. కేంద్ర ప్రభుత్వం, రాష్ట్రపతి, గవర్నర్, బొత్స, చంద్రబాబులను ప్రతివాదులుగా చేర్చారని ఆయన పేర్కోన్నారు.
రాష్ట్రంలో ప్రభుత్వాన్ని ఏర్పాటు చేయడానికి గవర్నర్ ఎవర్నీ పిలవలేదని ఆయన అన్నారు. రాష్ట్రంలో ప్రస్తుతం రాష్ట్రపతి పాలన విధించాలని పిటిషినర్ కృష్ణదేవన్ పిల్ దాఖలు చేశారు.
