ముందు మేమిద్దరం ఫ్రెండ్స్ అంటారు. మామ‌ధ్య ఏమీ లేదంటారు. ఆ త‌ర్వాత ప్ర‌పంచం ఏం మాట్లాడుకున్నా పెద్ద‌గా ప‌ట్టించుకోమంటారు. చివ‌ర‌కు మాత్రం ఫ్రెండ్స్ అని చెప్పుకున్న‌వారే పెళ్లికి సిద్ధ‌ప‌డ‌తారు. కాపురాలు చేస్తారు. ఇది సెల‌బ్రిటీల విష‌యంలో క్వైట్ కామ‌న్‌. అలాంటి జంటే ఇప్పుడు వార్త‌ల్లో నిలిచింది. షాపింగ్ మాల్ సినిమాతో తెలుగు ప్రేక్ష‌కుల‌కు ప‌రిచ‌య‌మైన‌ప్ప‌టికీ..జ‌ర్నీసినిమాతో పాపుల‌ర్ అయ్యింది అంజలి. అదే సినిమాలో జైకు జోడీగా న‌టించింది. ఆ స‌మ‌యంలోనే ఇద్ద‌రి స్నేహం చిగురించింది. ఆ త‌ర్వాత అది ప్రేమ‌గా మారిన‌ట్లు వార్త‌లు చ‌క్క‌ర్లు కొట్టాయి. వీటికి బ‌లాన్ని చేకూరుస్తూ ఎప్ప‌టిక‌ప్పుడు సోష‌ల్ మీడియాలో ఇద్ద‌రూ త‌మ రిలేష‌న్‌పై యాక్టివ్‌గా ఉంటున్నారు.
ప్రస్తుతం అంజలి తరమణి, కాన్‌బదు పొయ్, పేరంబు, బెలూన్‌ చిత్రాలతో బిజీగా ఉన్నారు.వీటిలో బెలూన్‌ చిత్రంలో జయ్‌తో కలిసి నటిస్తున్నారు కొద్దిరోజుల క్రితం ఇద్ద‌రూ కిచెన్‌లో దోశ వేసి తింటున్న ఫోటోను సోష‌ల్ మీడియాలో పోస్ట్ చేశారు. దీంతో వీరిద్ద‌రూ డీప్‌ల‌వ్‌లో ఉన్న‌ట్లు కోలీవుడ్ కోడై కూసింది. అలాంటిదేమీ లేద‌ని అంజలి-జై ఖండించారు.ఈ జంట స‌హ‌జీవ‌నం చేస్తున్నార‌ని ఇప్ప‌టికే వార్త ప్ర‌చారంలో ఉంది. అంతే కాదు ఇద్ద‌రూ పెళ్లికి సిద్ధం అవుతున్నార‌నేది తాజా ఖ‌బ‌ర్. అంజలి జైతో ప్రేమ వ్యవహారాన్ని తన కుటుంబ సభ్యులతో చెప్పి పెళ్లికి ఒప్పించినట్లూ, జై కూడా వెంటనే పెళ్లికి రెడీ అన్నట్లు ప్రచారం జరుగుతోంది. ఇద్ద‌రూ త‌మ చిత్రాల‌ను పూర్తి చేసుకుని వచ్చే ఏడాది పెళ్లి పీట‌లు ఎక్క‌నున్న‌ట్లు స‌మాచారం
