ఆ తిట్టు వినలేక చెవులు మూసుకున్నారు.. భరించలేక బాబోయ్ అన్నారు.. పక్కన ఉన్న గెస్ట్ లు భరించలేం బాబూ అని నెత్తీనోరు బాదుకున్నారు.. షో నిర్వహిస్తున్న యాంకర్ అయితే ఏం చేయాలో అర్థం కాక బిత్తరచూపులు చూశాడు.. ఓ టైంలో చాంపేన్ విసిరేంత వరకు ఇష్యూ వెళ్లింది. ఇవన్నీ ఓ లైవ్ టీవీ షోలో జరిగినవే. బ్రిటన్ కు చెందిన ఓ చానల్ సెలబ్రిటీ బిగ్ బ్రదర్ పేరుతో షో నిర్వహిస్తోంది. వచ్చిన అందరూ సెలబ్రిటీలే. ఇందులో నలుగురు గెస్ట్ సెలబ్రెటీలు.. ఓ హోస్ట్ ఉన్నారు. షోలో కంట్రోల్ తప్పిన ఓ లేడీ.. బూతులు తిట్టింది. దీంతో ఆ పక్కనే ఉన్న మరో లేడీ ఇంకో మాట అంది. దీంతో గొడవ పీక్ లెవల్ కి వెళ్లడంతో…. మొదటి లేడీ చాంపేన్ గ్లాస్ విసిరేసింది. కొద్ది సేపు అక్కడ రచ్చ రంబోలా అయ్యింది. దీంతో ఏం చేయాలో తెలియక కొద్దిసేపు లైవ్ కట్ చేసింది చానెల్ యాజమాన్యం. అనుకున్న దానికంటే 12 నిమిషాలు ముందుగానే షోని ముగించింది.
ఇంత జరిగిన తర్వాత తిట్టిన బూతులు తనకే అసహ్యం వేసిందో ఏమోగానీ.. ఇంటికెళ్లిన తర్వాత జరిగిన తప్పుకు క్షమించండి అంటూ ట్విట్స్ పోస్ట్ చేసింది ఆ లేడీ. చానల్ యాజమాన్యం కూడా బూతులను ప్రసారం చేయకుండా చాలా జాగ్రత్త పడ్డాం అని.. అయినా పొరపాటుగా వచ్చిన కొన్నింటికీ సారీ చెప్పింది. చానెళ్లలో తిట్టుకోవడాలు… కొట్టుకోవడాలు మనదగ్గరే అనుకుంటాం. కానీ అవి ఫారిన్ లోనూ మామూలేనని.. ఈ ఇన్సిడెంట్ రుజువు చేస్తోందంటున్నారు ఇండియన్ నెటిజన్స్.
