సోనాక్షికి షాక్.. హెడ్ ఫోన్స్ ఆర్డర్ చేస్తే ఏం పంపారో తెలుసా?

ఈ కామర్స్ సైట్లలో ఫోన్ ఆర్డర్ చేస్తే సబ్బులు,ఇటుకలు,రాళ్లు,పళ్లు వచ్చిన సంఘటనలు మనం ఎక్కడో ఓ చోట వింటూనే ఉంటాం. ఇప్పుడు ఇలాంటి అనుభవమే ఒకటి బాలీవుడ్ హీరోయిన్ సోనాక్షి సిన్హాకు ఎదురైంది. ఆమె రీసెంట్ గా ప్రముఖ ఈ-కామర్స్ సైట్ అమెజాన్ లో బోస్ హెడ్ ఫోన్స్ ఆర్డర్ చేసింది. అయితే డెలివరిలో ఆమెకు హెడ్ ఫోన్స్ కు బదులుగా ఇనుము వస్తువు వచ్చింది. దీంతో ఒక్కసారిగా షాక్ అయిన సోనాక్షి ఆ విషయాన్ని ఫోటోలతో సహా ట్విట్టర్ లో షేర్ చేశారు. ఆ పోస్ట్ లో ఆమె అమెజాన్ ను కూడా ట్యాగ్ చేశారు.

‘హే అమెజాన్‌.. నేను బోస్‌ హెడ్‌ఫోన్స్‌ ఆర్డర్‌ చేస్తే ఏం వచ్చిందో చూడు. బాక్స్‌ ఓపెన్‌ చేసి చూస్తే లోపల ఈ ఇనుము వస్తువు ఉంది. ఇదే విషయాన్ని మీ కస్టమర్‌ సర్వీస్‌కు కాల్ చేసి చెప్దామనుకుంటే వారు నాకు సహాయం చేయాలి అనుకోలేదు.. అది ఇంకా ఘోరమైన విషయం’ అని సోనాక్షి అన్నారు. ‘ఎవరైనా ఈ చెత్తను రూ.18 వేలు పెట్టి కొంటారా.. (ఇది ఇనుము). బాధపడకండి. నేను దీనిని అమ్ముతాను. కానీ అమెజాన్‌లో మాత్రం కొనకండి. అప్పుడే మీరేం ఆర్డర్‌ చేస్తే అదే వస్తుంది’ అంటూ సోనాక్షి మరో ట్వీట్‌ కూడా చేశారు.

 

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy