హిమాచల్ ప్రదేశ్ మండిలో కొండ చరియలు విరిగి పడడంతో… చనిపోయిన వారి సంఖ్య 48 కు చేరింది. గాయపడ్డవారికి హాస్పిటల్స్ లో ట్రీట్మెంట్ అందిస్తున్నారు. ప్రమాద స్థలంలో ఇంకా సహాయక చర్యలు కొనసాగుతున్నాయి. రెండు NDRF టీంలు సహాయక చర్యల్లో పాల్గొంటున్నాయి. ప్రమాదం జరిగిన ప్రాంతాన్ని హిమాచల్ ప్రదేశ్ సీఎం వీరభద్రసింగ్, ప్రతిపక్ష నేత ప్రేమ్ కుమార్ ధుమాల్ పరిశీలించారు. చివరి డెడ్ బాడీ దొరికే వరకు రెస్క్యూ ఆపరేషన్ కంటిన్యూ చేస్తామన్నారు సీఎం. మృతుల కుటుంబాలకు 5 లక్షల రూపాయల పరిహారం ఇస్తామన్నారు.
మృతుల్లో నల్లగొండ జిల్లాకు చెందిన దుబ్బాక కొండల్‌రెడ్డి (48), యాదాద్రి భువనగిరి జిల్లాకు చెందిన కొంతం రాజిరెడ్డి (52) ఉన్నారు. శిథిలాల కింద చిక్కుకున్న వారిని వెలికితీసేందుకు ఎన్‌డీఆర్‌ఎఫ్, ఆర్మీ, పోలీసు బృందాలు సహాయక చర్యలు చేపట్టాయి.
కొండల్‌రెడ్డి, రాజిరెడ్డి .. హైదరాబాద్‌లోని సుశీ హైటెక్‌ కంపెనీలో మేనేజర్లు. ఆఫీసు పనిలో భాగంగా హిమాచల్ ప్రదేశ్‌కు వెళ్లారు. ఈ నేపథ్యంలో వీరు ప్రయాణిస్తున్న జీపుపై కొండచరియలు పడ్డాయి. జీపు లోయలో పడిపోయింది. ఘటనలో కొండల్‌రెడ్డి, రాజిరెడ్డి మృతి చెందారు. రాజిరెడ్డి మృతదేహా న్ని ఆదివారం ఎల్‌బీనగర్‌లోని ఆయన నివాసానికి తరలించారు. కొండల్‌రెడ్డి మృతదేహాన్ని స్వగ్రామానికి తీసుకొచ్చేందుకు మూడు రోజులు పడుతుందని కుటుంబీకులు చెప్పారు.
