అమ్మ..లోకంల తీయని పదం. దేవుడు అన్ని చోట్ల ఉండలేక అమ్మను సృష్టించాడంటారు. అందుకే ఆమెను దేవుడి ప్రతిరూపం అని కొలుస్తారు. తొమ్మిది నెలలు మోసి మనకు జన్మనిచ్చిన అమ్మకు ఏమిచ్చినా రుణం తీరదు. కష్టమెచ్చినా…. కన్నీళ్లొచ్చినా నోటి వెంట వచ్చే మొదటి మాట అమ్మ. మదర్స్ డే సందర్భంగా అమ్మకు వందనాలు.
సృష్టికి మూలం అమ్మ. దేవుని ప్రతిరూపం అమ్మ. అందుకే మాతృదేవోభవ అంటారు. అమ్మ రుణం తీర్చాలంటే అమ్మగా పుట్టాల్సిందేనని చెబుతారు. స్ర్తీ జన్మ పరిపూర్ణం అయ్యేది కూడా అమ్మ అయితేనే . అమ్మ మంచితనన్ని చెప్పే కవితలు, పాటలు ఎన్నోఉన్నాయి. బిడ్డకు ఏ కష్టమెచ్చిన కడుపులో పెట్టుకుని చూసుకుంటుంది. అమ్మ చనువాల రూపమే మానవ జన్మ అంటరు…కవులు. శ్రీరామ రక్ష అంటూ , దీర్ఘాయురస్తు అంటూ నిత్యం పూజిస్తుంటుంది.
అమ్మ త్యాగాలకు గుర్తుగా చేసుకునేదే మదర్స్ డే. ప్రపంచ వ్యాప్తంగా పలు తేదీల్లో ఈ మదర్స్ డే జరుపుకుంటారు. ఆసియా, దక్షిణ దేశాల్ల ప్రతీ ఏడాది మే నెల రెండో ఆదివారం మదర్స్ డే సెలబ్రేట్ చేసుకుంటారు. మదర్స్ డే జరుపుకోడానికి ఓ రోజు ఎందుకని అంటారు చాలా మంది. అసలు అమ్మను మర్చిపోతే కదా ఇలా సెలబ్రేట్ చేసుకోవడం అని ప్రశ్నించే వారు లేకపోలేదు. ఏమిచ్చి అమ్మ రుణం తీర్చుకోగలం చెప్పండి…. అందుకే అమ్మ త్యాగాలకు, సేవలకు ఓ వందనం.
