8 నిమిషాలకో మెట్రో..రద్దీవేళల్లో 6.30 నిమిషాలకే 

హైదరాబాద్ అమీర్‌పేట నుంచి LB నగర్‌ వరకు నిన్న( శనివారం) మెట్రోరైలు ట్రయల్‌రన్స్‌ ముమ్మరంగా నిర్వహించారు. ప్రతి ఎనిమిది నిమిషాలకు ఒక మెట్రోను ఈ మార్గంలో రోజంతా తిప్పారు. రేపు (సోమవారం,సెప్టెంబర్-24) మధ్యాహ్నం గవర్నర్‌ నరసింహన్‌ జెండా ఊపి ఈ మార్గాన్ని అధికారికంగా ప్రారంభించనున్నారు. మియాపూర్‌ నుంచి అమీర్‌పేట వరకు ప్రస్తుతం రద్దీ వేళల్లో ఆరున్నర నిమిషాలకు, మిగతా సమయాల్లో 8 నిమిషాలకు ఒక మెట్రో నడుపుతున్నారు. మిగతా మార్గం ప్రారంభం తర్వాత ఇదే విధంగా ఉంటుందని ప్రయాణికుల స్పందనను బట్టి ముందు ముందు తగ్గిస్తామని మెట్రో వర్గాలు తెలిపాయి. ఇప్పుడు మాత్రం 8 నిమిషాల ఫ్రీక్వెన్సీనే అని తెలిపాయి.

మియాపూర్‌ నుంచి LB నగర్‌ వరకు ఒకే మెట్రో మార్గం. పనులు పూర్తికాక పోవడంతో మొదట మియాపూర్‌ నుంచి అమీర్‌పేట వరకు గతేడాది నవంబరులో ప్రారంభించారు. మిగిలిన మార్గాన్ని ఇప్పుడు అందుబాటులోకి తీసుకొస్తున్నారు.

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy