ICC ర్యాంకింగ్స్: ఐదో స్థానంలో కోహ్లీ

kohliఐసీసీ ర్యాంకింగ్స్ ప్రకటించింది. టెస్టు బ్యాట్స్‌మెన్ ర్యాంకింగ్స్‌లో టీమిండియా కెప్టెన్ విరాట్ కోహ్లి ఐదోస్థానానికి ఎగబాకాడు. కోల్‌కతా టెస్టు తొలి ఇన్నింగ్స్‌లో డకౌట్ అయినప్పటికీ.. రెండో ఇన్నింగ్స్‌లో 104 పరుగులతో నాటౌట్‌గా నిలిచిన విరాట్.. టాప్-5లో చేరాడు. ఈ క్రమంలో ఆస్ట్రేలియా ఓపెనర్ డేవిడ్ వార్నర్‌ను వెనక్కి నెట్టాడు. ఆసీస్ కెప్టెన్ స్టీవ్ స్మిత్ ఈ లిస్టులో అగ్రస్థానంలో ఉండగా.. ఇంగ్లండ్ ఆటగాడు జోయ్ రూట్ రెండో స్థానంలో ఉన్నాడు. కేన్ విలియమ్సన్ మూడోస్థానంలో ఉండగా.. ఛటేశ్వర్ పుజారా నాలుగో స్థానంలో కొనసాగుతున్నాడు.

వార్నర్, విరాట్ మధ్య ఒక పాయింట్ మాత్రమే తేడా ఉంది. శ్రీలంకతో రెండో టెస్ట్ తర్వాత కోహ్లి విశ్రాంతి తీసుకునే అవకాశం ఉంది. మరోవైపు ఆస్ట్రేలియా సొంత గడ్డపై ఇంగ్లండ్‌తో యాషెస్ సిరీస్ ఆడనుంది. దీంతో వచ్చేసారి ICC ర్యాంకింగ్స్ ప్రకటించే సమయానికి డేవిడ్ వార్నర్ కోహ్లిని వెనక్కి నెట్టే అవకాశం ఉంది. ICC వన్డే, టీ20 బ్యాట్స్‌మెన్ ర్యాంకింగ్స్‌లో కోహ్లి అగ్రస్థానంలో కొనసాగుతున్నాడు.

బౌలింగ్ విభాగం విషయంలో.. కోల్‌కతా టెస్టులో 8 వికెట్లు తీసి మ్యాన్ ఆఫ్ ది మ్యాచ్‌గా నిలిచిన భువనేశ్వర్ కుమార్ 29వ ర్యాంక్ సాధించాడు. భువీ కెరీర్లో ఇదే అత్యుత్తమ ర్యాంక్ . మరో పేసర్ మహ్మద్ షమీ.. 18వ స్థానంలో నిలిచాడు.

కోల్‌కతా టెస్టులో పిచ్ మీద పచ్చిక ఉండటంతో సరిగా బౌలింగ్ చేయలేకపోయిన రవీంద్ర జడేజా టెస్టు బౌలర్ల ర్యాంకింగ్స్‌లో మూడోస్థానానికి పడిపోయాడు. అశ్విన్ నాలుగోస్థానంలో నిలిచాడు. ఇంగ్లండ్ పేసర్ జేమ్స్ అండర్సన్ తొలి స్థానంలో నిలవగా, దక్షిణాఫ్రికా బౌలర్ కగిసో రబడ సెకండ్ ప్లేస్ లో ఉన్నాడు.

Leave a Reply

Connect with us



© 2012 - 2016 VIL Media Pvt Ltd. All rights reserved,
Contents of v6news.tv are copyright protected.Copy and/or reproduction and/or re-use of contents or any part thereof,
without consent of VIL Media is illegal.Such persons will be prosecuted.  Terms & Conditions  |  Privacy policy